„ქართული ლუდის კომპანია“ და თიბისი, ერთობლივი ინიციატივის ფარგლებში, საკონტროლო გამშვებ პუნქტებზე მომუშავე პერსონალს „ზედაზენის“ პროდუქციით მოამარაგებენ. თიბისი აღნიშნულ ინიციატივაში პროგრამის - #თიბისიშენთვის ფარგლებში ჩაერთო, რომელიც COVID-19-ის შედეგებთან საბრძოლველად შეიქმნა და მისი მიზანი ვირუსის შედეგებით დაზარალებული ადამიანებისთვის და ბიზნესებისთვის ცხოვრების გამარტივებაა.

„თიბისის და მისი კორპორაციული პარტნიორების თანამშრომლობა მნიშნელოვან როლს ასრულებს ქვეყნის წინაშე არსებული გამოწვევების დაძლევაში. პროგრამის - #თიბისიშენთვის ფარგლებში მზად ვართ, მაქსიმალურად დავეხმაროთ ქვეყანას COVID-19-ით გამოწვეულ შედეგებთან ბრძოლაში. სწორედ ამიტომ, აქტიურად ვმუშაობთ როგორც კერძო სექტორთან, ასევე სახელმწიფო უწყებებთან ერთად, არსებული საჭიროებების შესაბამისი ზომების მისაღებად.“

თიბისი ბანკის გენერალური დირექტორის მოადგილე - გიორგი თხელიძე.