ცხოვრების სწრაფ ტემპში, მაშინ, როდესაც დასახული მიზნების მიღწევასა და ჩანაფიქრების ასრულებას ვცდილობთ, ხშირად ყველაზე მთავარი შესაძლებლობა - რწმენა გვავიწყდება. რწმენა საკუთარი თავის, საკუთარი არჩევანისა და გადაწყვეტების, იდეებისა და გულწრფელი სურვილების.

თავგადასავალი, სადაც ბევრი რამ შეუძლებელი გვგონია მანამ, სანამ არ დავიჯერებთ, არ გავბედავთ და პირველ, თამამ ნაბიჯს არ გადავდგამთ. იმისთვის კი, რომ დავიჯეროთ, ხშირად სულ უმნიშვნელო მხარდაჭერა, გამხნევება ან სულაც მარტივი შეხსენება გვჭირდება ხოლმე.

3 ათწლეულია თიბისი ასე მყარად სწორედ რწმენაზე დგას, რომ ყველაფერი გამოუვა, რადგან აქ, თითოეული ჩვენგანი ვქმნით ისტორიას, რომელიც 1992 წელს, ერთ ოთახში, რამდენიმე ადამიანით, თუმცა გუნდურად და მიზანსწრაფულად დაიწყო და რომელიც დღეს 12 000-ზე მეტი თიბისელით, 20 მილიონი მომხმარებლითა და ციფრული ეკოსისტემით, საქართველოში და საქართველოს ფარგლებს გარეთ გრძელდება.

ყოველთვის ასეთი იყო თიბისი ამ ისტორიაში - შეუპოვარი, დაუნებებელი, გამარჯვებებითა და თვითრწმენით გაძლიერებული.

საკუთარი თავის რწმენა ამ ისტორიაში ბუნებრივად იქცა თიბისის მთავარ ღირებულებად, შესაძლებლობად და ფილოსოფიად, რომელსაც დღეს თიბისიმ სახელი დაარქვა და ახალ კამპანიად აქცია. ამ ღირებულების ხაზგასასმელად, განვითარების ახალ ეტაპზე, ჯადოქრის არქეტიპი მოირგო და შეგვახსენა, რომ ნამდვილი გარდაქმნა იწყება არა მაშინ, როდესაც ყველაფერი ცხადი და ნათელია, არამედ მაშინ, როცა გაურკვევლობისა და გამოწვების დროსაც კი გჯერა, რომ არაფერია შენთვის შეუძლებელი.

10 წლის წინ, თიბისიმ თქვა #გამარჯობა. ამ გზავნილის და ისტორიის ლოგიკური გაგრძელება იყო: #ვინცარუნდაიყო, #მოდიაქ, #შენ, #შენთვის, #აქ,ახლა #სულშენთანაა. თითოეული ეს კამპანია, დროისა და მომხმარებლების საჭიროებების შესაბამისი იყო. დღეს კი იმ რეალობაში, სადაც უამრავი შესაძლებლობა გვაქვს, თუმცა ხშირად სწორედ თვითრწმენა გვაკლია, ამბავი ​​„მთავარია გჯეროდეს” გზავნილით გრძელდება.

პირველ ეტაპზე, თიბისიმ გზავნილი ემოციური ისტორიით გადმოსცა, რომელიც ადამიანის მთელ ცხოვრებას ჰყვება; რომელიც გვარწმუნებს, რომ ვერ შედგება მეგობრობა, სიყვარული და გადამწყვეტი შეხვედრები თვითრწმენის გარშე; გვახსენებს, რომ დაძლევ ყველაფერს - შიშს, განშორებას, განსაცდელს - თუკი გჯერა საკუთარი თავის და შენთვის მნიშვნელოვანი ადამიანების და თუკი თვითრწმენით გაამყარებ შენს თითოეულ ნაბიჯს; შთაგვაგონებს, რომ არ არსებობს არაფერი რაც არ გამოგივა და რომ ამ რწმენით ნაკარნახევი ყველა შენი წამოწყების დასასრული, აუცილებლად გამარჯვებაა.

ავტორი: მარიამ ყანჩაველი