თუ გაგიმართლათ, მდინარის პატარა ხეობასთან შესაძლოა, გასაგრილებლად გამოყვანილი ცხენებიც შეგხვდეთ, რომელთაც საბა ან ბაჩანა ახლავთ თან. 

საბა აბაშის მთავარი და მრავალგზის ჩემპიონი მხედარია, ცხენების განსაკუთრებული სიყვარული კი სულ პატარაობიდან გაუჩნდა. 

ბაჩანა საბას გამოცდილი მასწავლებელია. თავლაში ყოველდღიურ საქმეებსაც ერთად უძღვებიან და დოღისთვისაც მთელი წელი ერთად ემზადებიან. მთელ დროს თავლაში საყვარელ ცხენებთან ერთად ატარებენ - შაინა, ვეგასი, მანიპულა, ლუციფერი, ამინადიელი, ნატა და ლიზა - დოღის დიდი ვეტერანი და მრავალგზის ჩემპიონი, რომელიც ამ სექტემბრის დოღზე კარიერას ღირსეულად დაასრულებს. საბა და ბაჩანა თითოეულ მათგანზე განსაკუთრებულად ზრუნავენ, მათი ენაც ესმით და საკუთარ სათქმელსაც აგებინებენ.

მასწავებლისგან და მოსწვალისგან, ამ ადგილის შესახებ ბევრ საინტერესო ამბავს მოისმენთ. ყოველ წელს, თურმე დოღთან ერთად ისინდი და ცხენბურთიც იმართება, ბაჩანა სპორტის ამ სახეობებზე დიდი სიყვარულით საუბრობს.  

ცხენბურთი და ისინდი

როგორც ბაჩანა გვიამბობს, ცხენბურთი ჯერ კიდევ თამარ მეფის დროიდან მოდის. გამარჯვებისთვის მთავარი მიზანი, კი მეტოქის კარში მხედრის მიერ ჩოგნით ბურთის გატანაა. ისინდიც ასევე, ძველი ქართული თამაშია, რომელში მონაწილეობას ორი გუნდი იღებს. თითოეულ გუნდში 6 მოთამაშეა, მხედრებს ხელში ისინდი- ბამბუკის შუბები უჭირავთ, მსაჯის ნიშანზე ერთ-ერთი მოთამაშე მოწინააღმდეგე გუნდის წინ იჭრება და ცდილობს შუბი ცხენს ან მხედარს მოახვედროს. ცხენისთვის მოხვედრება 1 ქულაა, მხედარისთვის კი 2. 

სულ პირველობისთვის, მთავარია გჯეროდეს

ავტორი: ხატია კოპლატაძე

ფოტო: თორნიკე ანთიძე